اجمل شعر عن <<25 يناير >>

يقُول شكّسبيرّ إذآ كُنتَ رجلاً بَـ معنّى الكلمةْ فلآ تسمح لِـ فتآةٍ أن تبّكيْ

لا تأسفنّ على غدر الزمان لطالما رقصت على جثث الأسود كلاب
لا تحسبنّ برقصها تعلو على أسيادها فالاسدُ أسدُ والكلابُ كلابُ
تبقى الأســود مخيفة في أسرها حتى وإن نبحتْ عليها كــلابُ

الى كل من ضحى بروحه وبدمه
كل من دفع حياته ثمن لحرية مصر
علشان الكرامه
علشان الحريه
علشان كل الشعب يكون حر
ويعيش رافع راسه

اجمل قصيده عن ثورة 25 يناير ( هما كلمتين )

هما كلمتين .. كلمة وكلمة .. مش مهم مين .. لكن اسمع بذمه

دمنا ساح .. وحقنا راح..ناس مهضومه وناس مظلومه .. وحكومة نايمه ببال مرتاح

بأمر وزير.. تطلع تقارير.. فبركي ياحكومة.. ماحنا الطراطير

يناير خمسة وعشرين .. طوفان مظلوم .. فاق من النوم .. يطلب حقه بعد سنين

سنين وعقود .. ذل وقهر .. فقر وجهل .. ولسان معقود

معقود بقانون.. طاريء وفساد .. ظلموا عباد .. باعوا بلاد .. وحملوها ديون

ديون فى رقبتى .. اديلك وقتى .. ولا اعرف انام . ابدا دلوقتى .. والحق اهو قام

قام ثوار .. شباب احرار.. من كل دار .. على الخير ناويين

والنيه بصوت .. كان مكبوت .. صرخوا وقالوا ..الطاغى يغور .. والظلم يموت

نظام ينشال .. ورجال اعمال .. حراميه تقال .. اتغدو بلحمى واتعشوا سكوت

قالوا عيال .. طايش مهزوز .. ولما نعوز .. ندوسهم فى الحال

حدفوا قنابل مسيله وغاز.. وامن بخوذه ووش ازاز.. درع يمين وعصايا شمال

جابوا قوات .. قتلوا وجرحوا .. شباب وبنات .. من كل حي

رصاص مطاطى ورصاص حي .. لايوم هنطاطى .. والنصر اهو جي

اعلام مشلول .. باعو المقتول ..كلام اوهام ..ولا فى الاحلام

المرئي كفيف والراديو اصم.. مليان تزييف ولا فيش دم

ساعه ايران وساعة اخوان ..والعملا هناك فى كل مكان

وجبات كنتاكى.. والمعزة تكاكى.. وباضت جبنه بيضه قريش

زى ماخالد وبعده بلال.. وباستهبال .. كسروا دماغهم بقرش حشيش

الحاج صابر والخاله سعاد.. بقدرة قادر.. بقوا من الموساد

دمك ياشهيد.. لايوم هايجف .. الشمعه تقيد.. وجروحنا تخف

الشعب اتهان من ده ومن ده .. وعم سليمان يقولك اجنده

احزن عليه ولا احزن على الكبير .. اللى قاعد فوق وحادفنا فى بير

انا حزني وطنى .. وهمى وطنى .. مش حزب وطنى .. اللى سارق وطنى

ارحل بخوفنا وخد معاك جمال.. ولا اكنا شفنا .. خيول او جمال

انا عاوزه يغور .. والكل كذلك .. بالحزب بتاعه ونظامه الهالك

او اقولك ..خليك ..هانحط عليك ..فى ميدان تحرير ..ونحجز مالك

الشعب خلاص.. طلب الخلاص ..فارقنا وارحل وانفد من سؤالك

بلادى مصر حرة ..ماتقولش ارحل ليه؟.. هى حرة.. وحرة بلادي

هاتحافظ على الامين.. مهما فقره كان.. ويسقط اللى خان.. وتطرد الاعادي

---------------

عواجيز شداد مسعورين أكلوا بلدنا أكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة صحوا القتيل من القتل

فاروق جويدة:
ارحل كزين العابدين وما نراه أضل منك
ارحل وحزبك في يديك
ارحل
فمصر بشعبها وربوعها تدعو عليك
ارحل

عماد رجب:
أيا دنيا تناديني تعربد في شراييني
تزلزلني تمزقني تدق الارض تكويني
علي ميدان تحرير تروح الروح تنسيني
ثلاثيناً من القهر من الظلم ثلاثيناً من الطين

هشام الجخ:
لا مش تمام .. ومش مظاهرة والسلام .. الشعب مش نايم سيادتك ..ولو قالولك انه نام
ما...بيجيلوش نوم الجعان .. واللي عطشان للعدالة ..واللي محتاج للامان
اللي تعبان ف الحياة .. واللي وسط الزحمة تاه .. واتحبس صوته زمان
كل دول كانوا بس مكسلين .. كانوا ناسين هما مين .. شعب اقوي من السنين
طول تاريخه وهوة محكوم ... بس حاكم .. يحسبوه مات م الالم .. يلتقوه قايم يلاكم
ينتصر وهوة غرقان ف الهزيمة .. يابلد مكتوب عليها تكون عظيمة
النهاردة الشعب قام .. ومش مظاهرة والسلام ..

ماشاء الله جميله جدااااااااااااااااااااااااا

شكر لثورة 25 يناير 2011

أشكرك ثورة خمسة وعشرين * جعلتينا نحث اننا لسة عايشين
بعد ما فقدنا الأمل ومرت علينا السنين * وأنشغلنا بلقمة العيش بقرش ولأ قرشين
وأشتكينا ما أشتكينا عملو مش سامعين ومش فاهمين * أهتمو الفاسدين المغرضين بجمع ونهب الملأيين
أشكرك ثورة خمسة وعشرين * رجعتى لنا حب الوطن والشوق والحنين
وقربتينا من بعض تانى مسلمين ومسيحيين * والكل يد واحدة مدريين وصحفيين ولاحرفيين
مين كان يصدق من مظلمين نصبح منتصريين على الظالمين * عشت ياشعب مصر حنينين وطيبين
وبشر الصابريين الصادقين الصامدين * وفى البداية والنهاية أحنا المصريين أصحاب حضارة الأف السنيين

شكرا يا مصر شكرا يا مصر

فعلا تحفه ...............

جميلة
شفتك جميلة
والصباح ألوان
احمر وابيض
وسمارك ريحان
خطب القلب ودك
و قال ألان
وقللتك مهرج
لولى ومرجان
وحفلة وسهرة
في أحلا بستان
قليتي سبقك
كتير شبان
باعو أروحهم
فدى الميدان

شفتك جميلة
بعيون ألوان
نزلوه علشانك
وكان ما كان
كنتى حبيسة
في أيد جبان
ندل خسيس
بايع للأوطان
وكلابه الطليقة
نهشوا كل غلبان
وجوعوا الناس
واكلة بالأطنان
وشالو فلوسنا
عند العدوان

شفتك جميلة
والكحل بميزان
في قاعة المحكمة
قضى الديان
اعمل ما شئت
كما تدين تدان
وسبحان المعز
أزل الجرذان
بعد السيادة
اليوم ورا القضبان
اصبحتى سعيدة
وهم في إحزان
اصبحتى عزيزة
وهم فى جزلان
اصبحتى حرة
وهم مع السجان

شفتك جميلة
والشهيد فرحان
وبنت اصيلة
بتنظف الميدان
وشاب جدع
بيدحن الحلقان
ومسلم ومسيحى
الاثنين اخوان
وسلفى وصوفى
بيطفو البركان
وشرطى لمواطن
كلنا انسان
وعمل وفلاح
وموظف تعبان
وام بتتعى
لمصر بالأمان

شفتك جميلة
والجيش اركان
للشعب ركن
وقال اعلان
احنا مع الشرعية
يعنى مع الميدان
لن نطلق رصاصة
ولم نهن انسان
احنا وكيل الشعب
وسنترك المكان
كان دى فى
منشور وبيان
مكانة للحدود
حماة للاوطان
اقسمنا يمين
بلدنا فى العنان

شفتك جميلة
و الشر بالالوان
فئوية وفتن
ومشاكل فى النسيان
واحزاب ميتة
عايزة مكان
وجماعات وحراكات
بدات تبان
وكتر الكلام
وقل الايمان
و الدنيا تلاهى
وعاد ما كان
الى ضد الثورة
لبس عريان
والى ماتو شهدة
فى طى النسيان

شفتك جميلة
والقلب فية احزان
ونزلت دموعى
على الجدران
ماشى فى شورعك
كنا وكان
هنا هتفنا
وهنا مات فلان
هنا جرينا
وهنا وقفنا جدعان
و هنا تفرقنا
ووقف البنيان
سرقو حلمنا
قبل لالوان
وكانا عشقنا
حياة الادمان

شفتك جميلة
وست البلدان
لبكرة وبعدة
والى جى كمان
وحياتك يا غالية
ابنك جعان
لاشغ ولا عروسة
ولاحتى جدران
ولا حد يقول كلمة
تروى الظمان
اخويا سافر
وصحبى مات غرقان
حتى الحبيبة
اخدها ابن الجيران
أبوه مسؤال
وحنا ولاد فئران

شفتك جميلة
يا ام الاوطان
وقلبك كبير
بالخير عمران
ونهر النيل
فى ارضك شريان
يروى عطاشة
الحب و الوجدان
ويغسل دموع ام
مات ابنها فى الميدان
ويقول لابن الشهيد
ابوك فى الجنان
فى ضيافت الكريم
الله الرحمن
ومجاورة الحبيب
فى كل ادان

شفتك جميلة
والجمال زان
خلا ضى القمر
وقف حيران
نظر للشمس
لقى نورها خجلان
سال السماء
قالت بلد الاديان
عليها كان الخليل
وموسى ابن عمران
حتى يوسف الكريم
كانت لة امان
فيها كان الياس
وهود سكان
ورحلت المسيح
والمصطفى العدنان

شفتك جميلة
رغم ما كان
بحبك حت وانت
على شفى بركان
لك روحى وعمرى
وقلبى و الوجدان
حت عقلى ايضا
وجوارحى والاركان
فداك كل شيئ
بلا ردود ولا اثمان
يكفينى ترابك
يحتضن جسدى العريان
فعيشى للك يدوم
وموتى للك كمان
فتقبلى حبيبتى
حبيبك باحنان
هذة القصيدة مسجلة
باسم جميلة
للشاعر سيد البالوى

0125335628

Albalwe_s@yahoo.com

» رسالة عمرو خالد إلى العالم بعد ثورة 25 يناير
» ؛؛؛؛ اجمل لحظات عمرك؛؛؛؛؛
» اجمل و احلى شعر ضد التفرقه العربيه